三人男子乐队Pandora（Pan仔），由主音吉他Tony、低音吉他Anakin（阿勤）同鼓手Michael （细佬）组成！上年乐队以《安全距离》首获两台冠军（903专业推介加Chill Club推介榜）及于年尾举办嘅专场《GALAXY WITHIN》以极速售罄门票后，状态越战越勇嘅三子今年以《紧急应变逃生法》《反引力尘》打开第四张专辑概念之门！期间乐迷都有个迷思：「点解Pandora由《风月》开始都偏向以动画製作MV？点解唔拍真人MV？」Pan仔笑称：「因动画嘅MV，流量比起真人更好！」当然粉丝（称为盒仔）唔接受Pan仔嘅说法；于是长期敲碗真人MV！

卒之嚟到第三首派台作品《粉红泡泡防护罩》，佢哋有感歌曲轻鬆快乐嘅风格同时都想趁年轻有活力时尽情展现俾观众睇，先会铁定真人拍摄！歌曲主题係当我哋遇上适合嘅人，每刻脑袋嘅思路都充斥住粉红色，就似滤镜罩住自己眼球一样，无论做咩都满布粉红泡泡，犹如甜到漏嘅人生！所以MV故事係讲三人于Café工作，有一日收工就觉得要任性下，喺舖头做人生最喜爱嘅事 - 夹Band！从而感受最极致嘅快乐，亦带出唔同嘅事情都能让生活甜蜜令人生美满。

基于由细到大嘅关係建立，三子私底下嘅bromance非常浓厚经常让人衍生满满幻想或怀疑（除咗亲兄弟嘅Tony与Michael能够避嫌）Pan仔：「今次MV嘅画面构造，好有趣亦产生唔同嘅视觉、滤镜，让观众可以幻想唔同嘅意境，甚至听到歌曲时幻想喺粉红泡泡下飘浮同甜笑嘅满足。

不过我哋睇《粉红泡泡防护罩》MV反而觉得好感动，因为会谂三个老咗，感情仍然好好，会约埋「谂返旧时」会好欢乐嘅画面，能有满满嘅回忆杀涌出嚟状态。」