ViuTV举办嘅选美真人骚《美丽40路最美一夜》喺噚晚（29日）举行总决赛，邀请黄智雯、方皓玟及《全民造星V》冠军香胤宅（Lyman）等人担任评判，11位参赛者经过一轮争艳斗丽，冠亚季军分别由19号陈雅慧（仙迪）、16号马丽如（Taylor）及1号周雅韵（Connie）夺得，37号赵芮岚（Yolanda）获得「perFACE美丽蜕变奖」、「最高人气佳丽」由10号彭方廷（Kiko）获得，而「最美丽闰蜜奖」就有由14号嘅翁贝怡（Florrie）夺得。。睇完成个骚之后，网民们都有唔少意见，而家就同大家睇下啦！

个台太细《美丽40路最美一夜》係录影播出，一开场就有一众佳丽大跳性感辣身热舞，之后更加泳衣、穿晚装行Catwalk及歌手献唱等环节，虽然唔少网民对参加者讚不绝口，不过就喺网上留言大弹总决赛个台太细，例如「呢个厂真係无一厂咁有feel」、「个台可以再简陋啲」、「个台咁细」、「个台有啲细」、「好似人哋嗰啲咩咩联谊会临时搭嗰啲」、「又细又亚视feel」、「个场仲细过酒楼」、「好挂住viu个一厂」、「个台好似冇位行咁」、「个台真係太细搞唔掂」及「个台仲细过中学礼堂d 台」等等。

仙迪夺冠实至名归11位参赛者喺总决赛过程中展现出女性魅力及唔同嘅美态，19号陈雅慧（仙迪）喺总决赛中表现自信及魅力一面，加上表现淡定得体兼口才了得，最终力压群芳，脱颖而出获得冠军宝座。赛果出炉后，唔少网民都认为佢实至名归，留言话「仙迪劲sharp」、「Wooo仙迪实至名归 见到一路既进步 仲有真係keep得好好 呢个努力唔简单」、「我锺意仙迪有自信同埋好投入比赛，身材冇得顶！睇完今晚我都觉得佢係冠军！比赛就係要尽力表现自己，佢有做戏背景，玩游戏投入角色都係自然反应～反而因为呢一集对佢有好感，多咗留意佢！仙廸期待喺电视再见到你」、「恭喜仙迪」、「冇得输 ，实至名归。Congratulations 」、「So happy 仙廸赢咗， 其实佢比赛中途已经越嚟越耀眼」及「仙廸真係好fit,选「美」真係实至名归」等等。

戥校长及Belle唔抵曾经係歌手嘅曾凯霖（Belle）喺泳衣环节，除咗大骚美好身段之外，同时亦用优美动听嘅歌声，成功吸引网民关注，令人眼前一亮。而文芷苓（校长）贵为赛前大热，除咗喺总决赛初段获得Lyman欢心之外，一众网民亦认为校长整晚表现好好。虽然有唔少网民认为仙迪係实至名归，不过亦有好多网民戥校长及Belle唔抵，认为佢哋值得更高嘅名次，留言话「Belle睇睇下又好似几靓」、「希望係其他节目会见到belle」、「Belle 越望越正」、「支持viu签belle拍belle济约会实录」、「同SS一齐拍个节目就正」、「Belle换走bonnie仲好」、「可惜唔係Belle」、「校长先係我心目中嘅冠军!」、「好好睇，但估吾到校长三甲不入」、「我比较喜欢校长多啲喎」、「校长已经係大家心目的冠军 I like 校长 ， 还我校长」、「点解唔係校长，支持校长」、「爆冷啊 还我校长」、「校长又型又靓，临尾30秒拉票，好文采又压场。」、「点解唔係校长？」、「得校长够格拎」、「唔明点解无校长份」及「仙三甲我觉得正路，但冠军应该係校长」等等。

好睇过大台选美节目喺总决赛中，虽然都有传统嘅泳衣问答环节，不过一班参赛者都讲流利广东话及表现淡定之余，对答亦相当得体。同时，比赛中不乏催泪感人时刻，例如5强参赛者嘅亲友一同上台为其打气，送上心思礼物，场面既感人又真挚。一班网民睇完比赛都留言表示好睇过大台选美节目，例如「讲真呢d问题听落有内涵过隔离台果d」、「佢哋答问题make sense过隔离台」、「真香港人选美」、「内涵同年龄成正比」、「啲对答讲嘢正常过港姐好多」、「起码唔洗字幕都听得到讲紧咩」、「40岁真係有智慧d 个个都答得唔错」、「真心觉得最后五强靓过晒今年香港小姐。要有足够嘅练历先散发出4 0路嘅成熟魅力。唔係一般18 22嘅少女可以拥有。」、「每位唔止靓 仲充满智慧 大方得体 好睇过大台腥港小姐 多多声」、「佳丽係流利广东话嘅香港选举，又感动又好睇」、「好睇过大台既经典选美」及「40路三甲靓过好多届港姐」等等。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！