八九十年代娱圈女神李丽珍同前夫许愿所生嘅爱女许倚榕Annise，近期被爆同圈中人传出恋情，有指Annise男友係曾经喺《爱．回家之开心速递》演佐治嘅前TVB艺人张明伟。有报导指张明伟追许倚榕追足一年先至成功！

许倚榕曾经表示锺意有音乐才华嘅男仔，玩band嘅张明伟可谓中晒条件，而且张明伟家境不俗，老豆张永森係律师，曾任区议会主席、市政局议员及临时立法会议员，2016年更获铜紫荆星章。张明伟伯父张永霖都係大名鼎鼎，曾经係电讯盈科前身香港电讯嘅CEO，被誉为打工皇帝，至2004年辞任电盈副主席，有传当时离职酬金高达4500万。2008年张永霖加入亚洲电视成为执行主席，曾经豪言三年内令亚视转亏为盈，不过一年后就以董事局有不公平情况为由辞职。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！