TVB资讯节目《东张西望》以报道社会时事及民生议题正评满满，不过最新一集有关一对夫妻投诉一位阿伯着条激短嘅裤喺球场跑步，差少少露晒成个「八月十五」，而网民就对该报道反应两极，虽然有网民大讚区永权旁白生鬼、感谢主持魏柏豪及摄影师落力採访，不过亦有网民认为报道过份及手法低端等等。

喺最新一集《东张西望》中，节目组报道一位阿伯着条激短嘅裤喺球场跑嘅事件，李郑屋邨街坊文先生喺接受电话访问指同老婆一星期都有两至三前往球场做运动。期间经常见到一个阿伯跑步，佢除咗脱去上衣之外，佢仲将条短裤裤脚越摺越高，同时又将裤腰拉下，差少少露晒成个「八月十五」，所以文先生就形容短裤比3角裤还要低同埋其太太唔敢直视。另外，佢仲话球场好近学校，所以有唔少学生会经过呢个地方。

于是《东张西望》摄製队就前往现场，并成功搵到该名阿伯，佢喺炎热嘅天气下跑步，而佢嘅装束就正正好似文先生嘅形容。跑完步之后，阿伯去咗李屋花园一处较隐蔽嘅角落，然后就除晒所有衫裤，公然全裸晒太阳。

《东张》派出女同事扮经过，而阿伯就即刻拎起件衫遮住重要部位，女同事质问阿伯点解唔着衫，呢个公园好多人行，而阿伯就话「有人嚟我着返」；之后女同事再话佢咁样係犯法，阿伯喺女同事离开后便着衫离开。之后，《东张》再派出主持魏柏豪去追访阿伯，期间阿伯未有回应，并急急脚跑出走，经过几番逃避追访，阿伯最终成功逃离现场。

节目出街后，网民反应两极，有人认为区永权旁白生鬼及大讚节目组，例如「比区永权嘅旁白笑死我，另外辛苦晒主持柏豪同埋摄影师嘅穷追猛问，好正」、「裸露了、了不起、悬崖勒下只马 有区永权旁白嘅片段特别好笑」、「俾个大LIKE 栢豪、两个摄影师」、「谢谢东张西望所有工作人员辛劳付出，尤其外勤记者，感谢！」、「区永权配音好生鬼，好搞笑，唔睇画面净听旁术都好正」、「东张主持好嘢， 追到佢慌。」、「来回耐力跑 比个Like 你柏豪」、「笑到标眼水」及「记者体力都几好」等等。

不过同时亦有网民认为节目组做多咗、过份及手法低端，留言话「耻笑人为乐，何必呢」、「多咗啦 东张」、「似羞辱人多过报导」、「东张今次做多左啦 係咪无野好播呀」、「我觉得东张咁追住伯伯访问，好过份啰！」、「好低水準的新闻」、「女同事同男主持不断去挑衅人仲令人反感。个阿叔係唔啱，但东张今次有少少过份」、「东张呢d报道手法唔係咁好 我觉得提一提就ok 唔洗落人地面到咁样 个女人同个主持以为好好玩咁 不过tvb d手法本身都係低庄d」、「我觉得个男记者咁样狂追来访男，仲讨厌过呀伯裸体晒太阳」、「主持人话完啊叔一次，啊叔都有走开，仲要咁样穷追不捨访问，超低质素，仲要係咁问人有咩睇法，想人答你咩好」、「其实阿叔都知衰，又无做出过份态度，记者想令阿叔接受访问，其实可以试吓温和D，用好D态度，个女记者正情兇个阿伯，两个记者都渣到死！」及「採访手法好低端，又为左博收视 有咩做唔出，好心啦 人地都无特证搔扰人就咪搞人啦，虽然佢裸体係唔啱，但咁影人放出街比大众睇 又唔见等好啱啰」等等。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！