关嘉敏（Carman）于TVB节目《福禄寿训练学院终极对决》女扮男装以「痰辉智」唱《屈到辉智病了》，神还原《中年好声音2》亚军谭辉智，无论表情、舞姿、唱腔都模仿到其微妙微俏，令观众极为深刻。近日，关嘉敏于社交平台PO出扮演周星驰电影《赌圣》经典角色「绮梦」嘅造型照，再次引起话题。

关嘉敏于社交平台分享数张扮演周星驰电影《赌圣》经典角色「绮梦」造型照，就连腋下嘅痣大细都跟到足，写道：「绮梦传奇，究竟我係张敏版定係吴君如版？」，唔少网民留言大讚关嘉敏再次扮嘢扮到神还原当事人：「又来！几靓喎」、「又真係似wo」、「扮乜似乜，励害」、「超靓女神Carman，咁索…当然係张敏版嘅……绮梦」等等，艺人林宝玉都有留言：「扮乜似乜？点搞呀？」，不过都有网民叫关嘉敏唔好再丑化自己：「唔好丑化自己啦，你点都係一个靓女」。

关嘉敏以女子组合Bingo队长身份于2016年出道，2020年参加ViuTV选秀节目《全民造星III》虽然20强入10强时止步，但擅长载歌载舞嘅佢仍吸纳咗一班支持者，成功弹起。不过，关嘉敏之后宣布签约邵氏，佢于接受媒体访问指，ViuTV无同佢洽谈合约，并指自己话唔到事同时尊重经理人公司帮佢做嘅决定，直言对网民话佢反骨及unfollow感到唔开心：「觉得分开咁睇唔係唔好，但点解我係《全民造星III》做得好你哋会支持，但当我去到另一个台，你哋会觉得我好差，呢样嘢令我最唔开心，好似抹煞咗我嘅努力。」关嘉敏加入邵氏后，接二连三得到剧集演出机会，包括《你好，我的大夫》、《爱．回家之开心速递》、《隐形战队》、《逆天奇案》等剧集。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！