郑秀文许志安浅水湾被野生捕获 低调情侣衬色小物足证默契？

国际 820℃ 0
早排政府建议的士加装摄录镜头，令唔少网民提起「安心事件」。事发5年多后，男主角许志安已经重新出发，陆续喺外地举行音乐会；而今年中郑秀文举行红馆个唱时，安仔亦为Sammi再踏红馆台上与太太合唱，相信二人感情早已雨过天青。郑秀文许志安现身郑秀文今年嘅红馆演唱会做嘉宾，并以钢琴伴奏有内地网民早前喺浅水湾影湾园，遇着郑秀文许志安两夫妇，大好机会当然要求二人合照。从片段所见，Sammi继续以时尚打扮示人，穿上皮褛牛仔裤衬短靴，架上大大副墨镜，尽见天后气场。反观许志安就着得好平实，运动裤搭运动鞋配cap帽，一副休班明星造型。郑秀文许志安浅水湾被野生捕获眼利嘅网民就睇到Sammi手机壳同安仔嘅口罩都係橙色，话佢地低调地展示默契；有fans甚至记得，安仔之前post嘅生活照，由跑步机屏幕反映见到安仔都係用橙色手机壳！郑秀文许志安不时分享家居生活照，有睇Sammi IG都认得佢屋企幅红砖墙同埋个厨房，正正就係佢喺浅水湾海峰园嘅屋企，市价估计7千万左右。郑秀文手上至少有3间物业喺浅水湾，其中喺南湾花园嘅单位堪称Sammi风水屋，因为佢早喺出道2年后，即係1990年以323万买入，而家市值至少3千万。而Sammi老公许志安亦喺浅水湾道冠园有单位在手，位置喺海峰园隔离，早年有传安仔将呢间屋俾外父外母居住﹐方便Sammi照顾家人。按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看

上一篇

屯门医院产妇胎死腹中｜事主丈夫：原已买BB用品迎新生命 院方说法可笑 已向医委会投诉｜Yahoo

下一篇

【百佳】佳抵买本周精选优惠（即日起至19/12）

相关推荐