歌手吴浩康（Deep）去年底与英皇娱乐结束20年宾主关係，为养家不惜转行做地盘工人。日前吴浩康喺接受传媒访问时表示自己多咗演艺工作，现时地盘工作少咗20%；同时又会帮朋友做到会工作。被问到係唔係赚钱少咗时，佢就话要转型，而佢亦想去港铁考一个可以落路轨嘅工作证，可能喺夜晚11点凑完仔就去路轨返工，直至到第二朝。

吴浩康早前远赴澳州进行街头表演，佢就话自己其实係去报道会同埋传教，喺同当地朋友倾偈时得知大家有思乡，所以佢就即席做街头表演等大家开心一下。佢亦提到有人话佢『唔係没钱的咩？点解咁有钱飞去澳洲做Busking？』而佢就表示係一个误会，因为机票係人哋买，而佢嘅经济及工作状况已经大有改善，多谢大家嘅关心。同时佢亦提到不少建筑工友开工不足，而昔日同门兼好友张致恒（Steven）遇到同一情况，再一次喺网上求助，Deep就话佢同Steven都係男人，男人之间一般都係等对方有需要先开口，到时再睇下点样去配合。被问到会唔会介绍Steven开工，Deep就话如果有客人有兴趣搵到佢，佢都会介绍。

另外，吴浩康透露自己嘅出歌计划，透露将于明年新年后推出三首歌，而佢今次想出慢歌及轻鬆嘅歌，并表示虽然已经有朋友嘅帮手，不过出歌嘅预算都要大约係30－40万。Deep仲话而家自己纯粹係想分享音乐，自己係支持乐坛及冇任何企图，所以唔会参与颁奖典礼，更笑话呢个游戏唔啱佢呢个年纪嘅人玩。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！