彭秀慧Kearen自编自导自演全新独脚戏《失忆【谅解】备忘鹿》，将于2024年11月1日起假香港演艺学院歌剧院公演。距离首演时间不到一星期，Kearen亦密锣紧鼓，为这次演出作最后準备。

愈近公演日子，Kearen愈见期待，她说：「心情好兴奋、期待，而且好踏实，因为我感觉到呢个故事好有力量，相信好多观众都会有共鸣，亦都会带到温暖俾佢地。」

《失忆【谅解】备忘鹿》有搞笑部分，亦有角色扮演，Kearen将会在台上一人分饰多角，她透露：「今次有啲角色喺以前嘅作品出现过，对于我嘅观众嚟讲应该会几开心；其实今次都算係《29+1》嘅伸延版，属于同一个年龄系列，因为到我而家呢个年纪，人生睇法有啲唔同，身边朋友面对嘅烦恼都有啲唔同。」不过主轴，都係一个母女之间嘅故事，讲嘅係佢地之间嘅距离同埋如何解结，好希望大家可以入场观赏，一同感受。」

虽然已经演过多次独脚戏，Kearen今次仍面对着一定的考验，她道：「最大考验应该係情绪控制，因为当中有好多高低起伏，点样可以有情绪但保持淡定演出，讲到对白，落到下一场，或者将情绪转换，呢个绝对係挑战，但亦都係好玩嘅地方。我都好有信心呢个故仔感动到观众。如果大家可以带妈妈或者一个好亲爱嘅人入嚟睇，都会係一件几美丽嘅事情。」在綵排期间，Kearen都跟着剧情，反覆落泪，事后Kearen亦笑言，最重要是千万别让自己激动到演不下去。Kearen又指，自己有有两场戏特别锺意，她说：「睇过我演出嘅朋友，都知道我未必净係用对白去讲故事，我好锺意嘅场口，係令到成个故事昇华，睇吓观众会唔会同我一样，都係锺意呢场戏。」