日前（17日）37岁生日嘅汤怡，2021年闪嫁星级排舞师麦秋成，同年6月诞下女儿「麦QQ」，不时喺社交网站与网民分享温馨生活照，一家三口幸福美满。近年佢除咗专注演艺事业及凑女之外，仲创立自家品牌饼店，最忙时每天只可以休息4小时，更曾因瘦到现肋骨惹网民担心。

不过最近汤怡同网民嘅关係麻麻地，首先佢喺IG出PO为饼店请人，并与网民大玩「你问我答」问「可以解答我 点解大家只喜欢返兼职」，有网民表示心同感受，而佢就回覆话「懂我的人 自然会懂」；另外亦有网民温馨建议「如果一个月有8日假，可能会多啲人申请！」不过佢就寸爆回覆：「最好係唔洗返工都有粮出 对不对」，其后被网民指佢係刻薄嘅老闆娘。

近日生日嘅汤怡，喺IG上载庆生及一家三口跑步及到公园做运动嘅照片，并留言话「简单的跟最爱的人一起过就满足了，谢谢大家的祝福，谢谢大家满满的爱，大家身体健康，就是最大的礼物，爱你们。」不过就有网民喺贴文留言投诉佢间饼店食物质素差：「Delete咗咪又Send lor，跟住你可以再Delete then block埋我架！too disappointed。其实点解Send咗Message去你饼店Account都冇人覆嘅？买亲啲Cookie由原本你哋係放入纸袋，我再返屋企放入胶袋都唔够12个钟又淋又湿，我都唔係好明点解，讲紧我14号金钟买嘅。」汤怡亦有回覆话「我只係有张未Post姐 当然可以再次留言啊。首先多谢你嘅支持，但我饼店IG係无Customer Service的，有问题可以WhatsApp，同事返工时会尽快回覆你啊，另外我哋建议曲奇饼係密封保存，如果唔係曲奇饼一受潮就会淋了（尤其是香港天气潮湿又开冷气）。」

喺噚日（23日）汤怡出席代言活动，期间被传媒问到饼店嘅连串事件，佢就表示係佢衰，因为文字上冇语气，导致大家睇落去有误会。而佢做艺人都係打工仔，所以明白每个人都想日日都放假。现时会已经有两间饼店，希望年底可以增至四间，所以要搵兼职填满30日係有难度，所以现时迫切请多啲全职人手，佢同时明白每个工种都有唔同嘅假期，所以假期係有得倾。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！