东张西望｜天光墟地摊「填鸭姐」执过期食物极平价出售 网民指恐怖兼悲哀：社会贫穷线造成

旅游 134℃ 0
《东张西望》截图TVB资讯性节目《东张西望》紧贴追蹤各种娱乐圈及社会大事，所揭发嘅时事、社会及民生问题引起关注。《东张西望》藉台庆月份推出特别侦查节目，昨日（4日）揭发葵涌天光墟变成过期食物散货场一事。葵涌天光墟日前有以极平价钱出售食物嘅摊档，所售卖嘅食物包括猪扒、刺身、免治猪肉、急冻食品等生熟食品，甚至连鸭壳及烧猪头皆有售卖，食物低至两蚊三蚊就有交易，帮衬嘅人大多都係长者，并无理会食品来源以及食物安全问题。《东张西望》用上逾一个月进行侦查，并于昨日（4日）播出一集揭露骇人黑幕；《东张西望》主持黎宽怡和摄製队拍摄日早上6时半到达葵涌天光墟，现场已摆满地摊，当中「填鸭姐」每日都喺同一位置摆档，鲍鱼鸡连埋其他食物都係十蚊至廿蚊，唔单止卖嘅食物种类多，更加货源充足，不时补货；部分食物来自同一间连锁超市，部分食物来自便利店，但全部都係过期。摄製队于拍摄期间，影到「填鸭姐」走到垃圾车旁嘅垃圾堆拾走两个苹果；为查出「填鸭姐」过期食品货源，摄製队连日追蹤，发现佢每晚都会喺大窝口邨附近拾纸皮同垃圾，喺超市后门翻垃圾桶，又影到「填鸭姐」有几晚于便利店关门前到访并拖走一袋垃圾，将无用嘅嘢丢弃，其余嘅就拖回家，推断「填鸭姐」有机会将嗰啲被丢弃嘅食物转售图利。此外，《东张西望》摄製队曾在追访期间，被葵涌天光墟嘅摊贩追打及破坏拍摄器材，有摊贩用行李箱嘅金属手柄袭击摄影师，黎宽怡吓到即时抱头蹲下保护自己，又有摊贩咬伤摄影师手臂，身体多处严重受伤，需送院治理。唔少网民都留言指成件事好恐怖，幸得《东张西望》揭发：「鸭壳都卖」、「好恐怖」、「边个咁痴线，会係到买」、「离晒大谱！一于告佢地」、「好以返咗60几年前，的人去买酒楼厨余咁」等等；亦有网民觉得好悲哀，指有人买卖：「为何会有人买，社会同政府真係要好好反思」、「真係好惨，这是社会贫穷线造成的悲哀」、「好呕心，但亦好悲哀竟然有人卖有人买」、「冇人买，就冇人卖。民生冇穷困，又点会变得咁？点可以扮正义，只怪卖家一方？」等等。又有网民怪责便利店职员，指大集团理应喺处理过期食物方面有指引：「职员点会唔知发生咩事，直接俾佢」、「无理由就咁揼落黑胶，并任由外人攞走」、「女职员係唔係识佢，点可以将过期食物日日俾佢。犯盗窃罪喎」，有网民就帮口指，觉得便利店职员以为「填鸭姐」係攞嚟畀自己食，点知转头卖畀人，好心做坏事。《东张西望》截图《东张西望》截图《东张西望》截图《东张西望》截图《东张西望》主持黎宽怡《东张西望》截图《东张西望》主持黎宽怡《东张西望》主持黎宽怡其他人也在看

上一篇

上任逾两年 特首民情指数创新低

下一篇

川普贺锦丽若选举人票打平 交由新国会决定结果

相关推荐