周吉佩（吉吉）曾两次出道做歌手，早于2007年夺得有线电视歌唱比赛亚军入行，又曾于2015年以乐队sp’ACE队长兼主音出道。之后周吉佩于2022年再参加TVB歌唱节目《中年好声音》第一季得到冠军出道，推出《Falling For You》、《你是我唯一的》，以及剧集《逆天奇案2》主题曲《逆袭》、《飞常日誌》主题曲《飞常日誌》等等，继今年6月于沙田富临皇宫举办《中年夜缤纷》演唱会，周吉佩日前宣布即将于下月喺旺角麦花臣场馆举行演唱会，亦係佢出道16年来首场个唱。对于歌单，周吉佩表示正努力筹备中，并会于开骚前推出新歌。不过，有网民于社交平台出PO表示唔认识周吉佩。

周吉佩日前于将军澳举行个唱发布会，有网民于活动开始前拍下印有周吉佩样貌嘅布景，并于社交专页《将军澳主场》发文指无人识周吉佩：「无街坊识周吉佩，有人以为佢係内地歌手或《全民造星》出嚟嘅，google 后发现周生来自2022年《中年好声音》嘅冠军歌手。」仲加上Hashtag「证明好多街坊已经唔睇TVB__包括me」。帖文引起讨论，有网民认同，表示唔讲都以为係内地歌手，又有网民指第一次听呢个名；不过都有网民留言指係楼主个人问题，认为周吉佩唱歌水準唔错。帖文亦令周吉佩真身出现，留言回应：「多谢将军澳主场呢个post，由原本我无乜人识，依家多人留意咗，Thanks so much！」，被网民大讚EQ高，又叫佢笑下就算，唔使介怀。

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！