陈嘉佳（细细粒）近年转战内地担任「吃播主」，靠食美食及带货闯出名堂，高峰时期曾一晚赚800万，被封「吸金女王」。投资有道嘅细细粒将钱花喺砖头及投资之上，除咗荣升广州海味舖老闆娘之外，仲喺新西兰买别墅及喺中山买物业作投资之用。另外，今年初亦豪掷近千万购入鲗鱼涌大型屋苑送畀妈咪，自己就以400万买入名贵跑车。细细粒近年定居杭州，日前佢就拍片分享生活，意外曝光2千呎豪宅，不过最近佢就搬到另一处杭州新居，但就遇到唔少问题，喺小红书大呻屋企有「万年臭味」。

定居杭州嘅细细粒，最近搬到另一处杭州新居，但就遇到唔少问题。佢喺小红书以「搬家了！搬家哪有不疯的」为题出PO上载影片，并写上「这都是我租屋搬家遇到的问题，踩过的坑，最近也是租屋季和搬家季，希望大家一定要问清楚，看清楚，再做决定 ，不然就会像我一样踩了那么多坑，踩不完，踩不完根本」。

喺影片中，细细粒一开始表示自己搬家，但就遇上几个问题，例如入伙前先发觉冇家俬及窗帘要马上添置、屋内嘅插苏位坏咗要两星期先整好、及被搬屋公司整花咗幅墙等等。不过新居最大嘅问题就係厕所传出阵阵恶臭，仲话自己每次返屋企都闻到臭味，甚至怀疑自己踩屎。佢同妈妈商量后怀疑臭味因厕渠问题引起，所以佢就尝试灌水入渠，结果打开渠口时「臭到呕！」，最终发现係一边渠因堵塞导致臭水被倒灌入屋，真係阴功呀！

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！